|
Isang kongreso para sa mga buntis.
Ito ang sagot ng City Health and Sanitation Department upang
ipahayag ang
Safe Motherhood na taunang ipinatutupad ng Pamahalaang Lungsod ng
Calapan alinsunod sa itinakda ng nasyunal na Department of Health.
Daang mga expectant mothers at kanilang mga asawa ang dumalo sa
DWCC Gymnasium kung saan nagkaroon ang mga buntis ng pagkakataon
para sa libreng seminar sa safe motherhood and maternal care.
Sa buong mundo, halos 585,000 kababaihan ang namamatay bawat taon
mula sa komplikasyon ng pagdadalang-tao at panganganak. Mahigit
70% ng lahat ng maternal deaths ay dahil sa limang mayoryang
komplikasyon: hemorrhage, infection, unsafe abortion, hypertensive
disorders of pregnancy at obstructed labor. Ang kalakihan ng
kamatayan- 61%- ay nagaganap sa postpartum period at higit sa
kalahati nito ay nangyayari sa araw pagkatapos manganak.
Sinasabing sanhi ng kamatayan sa pagbubuntis at kapansanan ang
malawak na isyung panlipunan, ekonomiko, at pangkultura na
nakakaapekto sa kalusugan ng kababaihan at problemang
pangnutrisyon bago at pagkatapos ng pagbubuntis, at kaakibat ng
mababang antas ng serbisyong pangkulusugan para sa mga babae.
Kasama na sa mga isyung ito ang di-sapat na edukasyon, mababang
antas ng pamumuhay, at kawalan ng hanapbuhay. Importanteng
matugunan ang mga isyung ito upang maiayos ang maternal health
sa pangmatagalan. |
