|
Upang masiguro na ligtas ang Lungsod ng Calapan sa anumang uri ng
sakuna tulad ng pagbaha, lindol, tsunami, sunog, mga sakunang
nilikha ng tao at iba pa, minabuti ni City Mayor Doy C. Leachon na
tipunin ang lahat ng mga konserandong mamamayan sa lungsod upang
bumuo ng isang Contingency Plan
 na
inaasahang gagabay sa mga Calapeno sa pagsasagawa ng mga
napapanahong paghahanda.
Ang naturang aktibidad ay isinagawa sa pamamagitan ng
pakikipag-ugnayan ng City Public Safety Department na pinamumunuan
ni G. Nelson Aboboto sa Region IV-B Office of Civil Defense (OCD)
na pinangungunahan naman ni Director Norma C. Talosig. Ang OCD ay
isang sangay ng Department of National Defense na itinalaga upang
pangalagaan at protektahan ang mga mamamayan sa bansa sa panahon
ng gera at anumang uri ng biglaang sakuna.
Naganap ang hasikdiwa palihan sa Anahaw Islang View Resort noong
ika-15 hanggang ika-16 ng Oktubre at dinaluhan ng mahigit sa 20
mga partisipante mula sa iba’t ibang sector sa syudad ng Calapan.
Ang Contingency Planning ay naglalayon ng makapagbalangkas ng
isang epektibo at angkop na plano o estratehiya na gagamitin
upang mapaghandaan ang anumang sakuna at maging gabay sa operasyon
kapag dumaranas na ng kalamidad. Dahil ang Calapan ay malimit na
nakararanas ng malalakas na pagbagyo, pagbaha at panaka-nakang
paglindol, ang kahandaan sa mga kalamidad na ito ang tinutukan ng
pansin at tinalakay sa aktibidad maliban pa sa tsunami at
kinatatakutang paglaganap ng sakit na bird flu. Bukod dito,
tinalakay din ang mga paksang (1) identification of hazards and
disasters in Calapan City and their effects; (2) instilling
awareness of the Philippine Disaster Management System: its
institutional and operational management; (3) mobilization of
effective action and resources for emergency response; and (4)
generation of commitment among parties to be involved in a
coordinated manner before the emergency occurs.
“Umaasa ako na sa pamamagitan ng seminar-workshop na ito, agarang
matutugunan ang mga pangangailangan ng ating mga kababayan lalo’t
higit sa panahon ng kalamidad.” banggit ni Mayor Doy sa kanyang
mensahe. Dagdag pa niya, wala ng mas magiging epektibo pa kundi
ang pagiging handa bago pa man dumating ang sakuna. |
