|
“Pagsusumikapan ng inyong Pamahalaang Lungsod na gawing mas
mahusay ang mga serbisyo at programang aming ilulunsad para sa
lahat ng mga Calapeño.”
Ito ang mga
katagang binitiwan ni City Mayor Doy C. Leachon sa kanyang mensahe
sa
 pagdiriwang
ng kanyang unang isang daang araw bilang Punong Lungsod ng Calapan
noong Oktobre 8, 2007 sa isang simpleng seremonya na isinagawa sa
harap ng New City Hall, Brgy. Guinobatan.
Ang nasabing
pagdiriwang ay dinaluhan ng mga kawani ng Pamahalaang Lungsod, mga
miyembro ng ng Sangguniang Panlungsod, Vice Mayor Raphael
Infantado, mga opisyales ng 62 barangay ng Calapan at mga biling
bisita at panauhin. Sa nasabing gawain, inilahad ni City Mayor
Leachon ang kanyang mga naisagawa nang mga pagbabagong panloob at
reporma sa Pamahalaang Lungsod. Kanya ring iniulat ang mga
naisagawa nang mga programa at proyekto sa loob ng isang daang
araw tulad ng mga serye ng jobs fairs, mga livelihood trainings,
pagpapalawak ng mga programang pang-edukasyon gaya ng alternative
learning system, pagbubuo at pagrereorganisa ng mga iba’t-ibang
special bodies at councils at iba pang mga kahalintulad na
programa.
Ngunit ang
pinakamahalagang isinagawa noong araw na iyon ay ang paglulunsad
ng apat na pangunahing programa na kanyang ipapatupad bilang
paunang part eng Aksyon Agad People’s Agenda. Ang apat na salik at
batayang programa ay ang Traffic Free City, Orderly Public Market,
Garbage Free City at ang Sampung Minutong Serbisyo sa City Hall.
Isinagawa rin ang relaunching ng bagong website ng City Government
of Calapan at ang inagurasyon ng Phil-Job Net Center. Nagkaroon
din ng isang press conference kung saan hinarap ni City Mayor
Leachon, City Administrator Antonio Perez Jr. at mga department
heads na direktang nagpapatupad ng apat na programang nabanggit
ang mga tanong ng mga miyembro ng media sa lungsod. |
